نظام المعاهد الفنية الصناعية بمصر

 التعليم الصناعي بمصر ضايع ضايع فمثلا الدبلومات الصناعية نظام 3سنوات يطلع عنهم في المذاكرة وبعد كده يدخلو معهد صناعي وتلاقي الفرق في النسبة التي تاخذ بها الكلية ونسبة نجاح الطالب يكن نصف درجة وياريت حد بيسمع وبعد المعهد تلاقي شباك النصب نصبين المعادلة لدخول كلية الهندسة شوية حرمية فتحين مراكز والجامعة مسعداهم يستلمو الطالب بشوية حرفنةوالواد يدفعلهم لما ينقطع نفس اللي خلفوه وبعدين ساعة النتيجة يؤلوله السنادي حظك وحش الامتحنات جات صعبةويعيني الواد عاوز يعزي نفسه فبيصدق الكلام مغلوب علي امره وفي ناس بتؤل الامتحان ده اللاي حطه حمار ده لو معيد ميعرفش يحله والحقيقه لوانت اخدت نفسك ومشيت جنب عيل فاشل ثانوية هيؤلك ده امتحان فيه شوية افكار بس صعب صعب تروح لمدرس ثانوي يؤلك واللهي الامتحان ده فيه شوية حجات جامده بس مستوي محتاج حد دماغ طيب الدكتور وهو بيضع الامتحان لازم يحط في باله انه هيطلع عين ام اللي خلفونه مبراحة شوية يعني الطالب سعي للعلم وانتم بتافلوها في وشه هي هندسة ابوكم.................ماعلينا لطلاب الدبلومات احسن حاجه سيب الامور لله يعني ربنا مش قادر يموت كل الدكاتره ويخلي الكليات فاضه وتدخلو اي كلية انتم عاوزينها طبعا ده كلام هزار توكل علي الله واجتهد وخد بالاسباب ان نجاحك في المعادلة مستحيل لان ببساطه الاساتذه جعلينها طريق لاولدهم الفشله اما الفشلة اللي مش اولدهم حتي لوعملو اللالي مش هينجحو مش عشان فشله ولكن عشان مش ولاد فشله فعلي الطالب الذكي خش معهد يامعلم ونشل علي كام مهندس جدع (يعني بتاع فلوس)وخد عنده كرس وبعدين ادخل الامتحان وياسبحان الله سبحان الله هتلاقي كل اللي قاله لسيادتك في ورقة الاسئلة هتتعب شويه وتنئله من البرشامه الي ورقة الاجابة ومتنشاش بتسلم ورقة الاجابة مش البرشامة وبترمي البرشامة قبل نهاية الوقت بنصف ثانية عشان تراجع كويس خللي المراقب قلبه مات وحب يحصله وبعد ماشافك وانت بتراجع البرشامة مع الاجابة لوانت واثق من الحل انهي اجابتك بالضرب وبشله علم عليه واستغفر واتشاهد وسلم ورقتك وروح صلي ركعتين شكر انك بشلت مراقب ونهيت اجبتك بالضرب

وانشاء الله هتلاقي نفسك جايب نسبة كبيرة يعني شوية تسعات جنب بعض وتادم في التنسيق من غير حتي ماتكتب هندسه صيتك هيسمع وتلاقي مصلحة البريد بتدور عليك تعالي يامعلم انت فين نتيجة التنسيق ظهرت وجالك هندسة بس ست اشهر